Pidato Bahasa Bali - Bali Pulau Seribu Pura
Bali Pulau Seribu Pura
Matur suksma majeng ring pengater acara, antuk galah sane becik puniki kapicayang ring titiang. Ibu Guru ngajar Bahasa Bali sane wangian titiang miwah para sameton sane tresna sihin titiang
"Om Swastiastu"
Kaping ajeng ngiring iraga sareng sami ngaturang pangayubagia ring Ida Sang Hyang Widhi Wasa, seantukan Ida, iraga sareng sami kapicayang kerahayuan kerahajengan sekadi mangkin. Para semeton sareng sami, ring patemon sane mangkin titiang jagi mapidarta sane mamurda "Bali Pulau Serubu Pura."
Bali sampun kaloktah ring dura negara seantukan adat budayane sane pinih becik lan asri. Lianan ring punika Bali makehan penduduknyane nganut agama Hindu, duaning punika masyarakat Hindu Bali madue makeh pura. Ibu Guru miwah semeton sane wangian titiang, Pura punika kepah dados pura Umum, pura Teretorial, pura Swagina, pura Pedarman.
Pura umum kepah dados kapertama pura Sadkhayangan inggih punika pura sane kaempon olih masyarakat propinsi utawi sami masyarakat sane wenten ring Bali. Kaping kalih pura Dangkhayangan inggih punika pura kaempon utawi kasungsung olih masyarakat kabupaten utawi sami krame kabupaten ring pura punika magenah. Pura teretorial kepah dados tiga inggih punika kapertama, pura Dalem inggih punika pura nyunsung Ida Betara Siwa. Kaping kalih, pura desa inggih punika pura sane nyungsung Ida Betara Brahma. Kaping tiga, pura puseh inggih punika pura sane nyungsung Ida Betara Wisnu. Pura teretorial puniki magenah ring soang - soang desa adat ring Bali. Pura Swagina inggih punika pura genah pemujaan Betara-Betari manut ring geginan masyarakat ring Bali. Contohnyane Pura Ulunsui, Pura Segara, Pura Melantung miwah sane lianan. Pura pedarman inggih punika pura genah pemujaan para leluhur iragane. Pura pedarman kepah dados pura pedarman, Pura Dadia, Pura Paibon, Merajan Agung miwah Merajan Kemulan Taksu. Merajan Kemulan Taksu punika magenah ring soang-soang keluarga masyarakat Hindu ring Bali.
Ibu guru miwah semeton sane wangian titiang, Duaning keakehan pura punika Bali kawastanin Bali Pulau Seribu Pura. Inggih wantah asapunika sane prasida titiang aturan, kirang langkung nunas gengrene sinampura. Titiang sineb antuk pramasanti.
"Om Shanti Shanti Shanti Om"