Pidato Bahasa Bali - Perpustakaan Mapikenoh Nincapang Kaonengan Ngwacen

Perpustakaan Mapikenoh Nincapang Kaonengan Ngwacen

Bapak guru miwah para semeton sami sane baktinin titiang,

Sadereng nglanturang matur, lugrayang riin titiang ngaturang panganjali umat.

"Om Swastiastu"

Bapak guru miwah para semeton sami sane baktinin titiang,

Pangayubagia aturang titiang majeng ring Ida Sang Hyang Widhi Wasa, duaning

sangkaning asung kerta wara lugrahan Ida dane sida mangguh karahajengan, kacunduk

rahinane mangkin. Titiang kapaica galah matur sambrama wacana indik "Perpustakaan

Mapikenoh Nincapang Kaonengan Ngwacen".

Yening pikayunin, makasami anake sane naenan ngranjing ring pendidikan formal

sampun ngawikanin indik napi perpustakaan punika. Perpustakaan mawit saking kruna

pustaka sane mateges buku-buku miwah saluir bacaan tiosan lan ruangan punika kabaos

perpustakaan.

Bapak guru miwah para semeton sinamian sane kasumayang titiang,

Sajeroning pidabdab nincapang kualitas sumber daya manusia, taler nincapang

pangweruhan para sisiane, nenten pisan dados kakirangan bahan bacaan. Bacaan punika maka

sarana utama sane mawinan para sisiane pacang sayan-sayan wikan. Mantuk ring punika

wenten malih slogan sane luihing utama "Tiada hari tanpa membaca, Long life education,

belajar sepanjang kehidupan". Tegasnyane, yening Ida dane meled dados anak wikan, mangda

sukses ring widang pendidikan,

Yening perpustakaan nenten becik miwah nenten jangkep, pacang mapuara murid-muride

males ka perpustakaan. Perpustakaan patut kapidabdabin antuk tata cara sane kabaos

profesional. Yening SDM perpustakaan sampun wikan, terdidik, miwah terlatih saha gajih

miwah tunjangannyane sampun manut ring pangaptinnyane, janten pacang kayun makarya

sane rajin tur jemet. Punika mawinan perpustakaan pacang sida ngawetuang panuldul utawi

daya tarik sane gumanti sida meningkatkan minat baca, nincapang kaonengan ngwacen ring

para sisiane.

Para semeton miwah Bapak guru sinamian

Asapunika titiang prasida maatur ring galahe sane becik puniki. Matur suksma majeng

ring uratian ida dane, saha mantuk ring saluir kakirangan atur titiang, lugrahang titiang nunas

gung rena pangampura. Inggih puputang titiang antuk parama santih.

“Om Shanti Shanti Shanti Om”