Satua Bali - Yuyu Malaksana Melah

Yuyu Malaksana Melah

Sane riin wenten reke yuyu padem, kaurip antuk Ida Padanda, rikala Ida Padanda ngamarganin tukad nyat. Irika Ida ngamanggihin  Yuyu berag aking. Kapiwelas arsan Ida Padanda. Kaduduk punika I Yuyu, kumahang ring telagane. Kasuwen sampun ageng ipun I Yuyu, pinuju Ida Padanda merem irika ring balene ring sisin telagane, saget teka lelipi ring gowak, basobaya teka sang karo jagi ngutgut Ida Padanda, pacang nyedayang Ida Padanda.

Kengin uning ipun I Yuyu ring laksanan corahe kakalih, I Wyala kalaih I Gagak, irika raris I Yuyu mapajar ring I Goak kalih I Lelipi, jagi ngamiletin laksanan ipun sang kalih. Sampun adung reke paitunganne sang tigang diri, tumuli I Yuyu kagendong sareng kakalih. Wau ipun nincap baong sang karo, raris kagetep baongnya I Wyala minakadi I Gagak. Padem reke I Gagak kalih ula punika. Sapunika wiakti  laksanan ipun I Yuyu becik pisan, Sing bisa engsap tekening utang.

 

Olih : I Made Pasek.