Satua Bali - I Buta tekén I Rumpuh

I Buta tekén I Rumpuh

Di desa Anu ada anak tiwas panyamaan ajaka dadua. Ane kelihan buta, ane cerikan rumpuh. Krana ia tuara nyidayang nyemak gawe, jela kenken awai ia tuara madaar. Sedek dina anu ngomong I Rumpuh, “Beli, jalanja luas kumah-umah anake ngidih-ngidih, tusing duga baan icang naanang basange seduk”.

Masaut beinne, “Kenkenang Beli ngalih ambah-ambahan Beli tuara ngenot apan-apan. Jet cai masih tuara nyidayang rnajalan awak rumpuh”.

Masaut I Rumpuh, “Kene papineh icange. Bell tusing ningalin apan-apan, nanging kereng majalan. Batis icange nimpuh, nanging matan icange cedang. Yen beneh munyin icange, gandong icang, icang matujuin Beli ambah-ambahan”.

Papineh adinne kabenehang pesan teken I Buta, lantas ideh-ideh I Rumpuh gandonga kumah-umah anake ngidih-ngidih, kanti payu ia madaar. Makejang anake kapiolasan, kangen ningalin undikne I Buta teken I Rumpuh. Ada maang pipis ada maang nasi, ada maang woh-wohan, ada masih anake maang lungsuhan panganggo. 

Sedek dina anu I Buta ajaka I Rumpuh buin luas ngidih-idih. Joh kone pajalanne ngliwat desa. Kacrita di desane ane katuju ento, ada kone sudagar kacang tanah ane kaliwat sugih, nanging lacur tuara ngelah pianak. 

Mara ia ningalin kaanan I Buta ajaka I Rumpuh buka ento, lantas metu kenehne kapiolasan lakar nuduk I Buta ajaka I Rumpuh anggona pianak. I Buta ajaka I Rumpuh kendel pesan ajaka ditu, tur ia anteng pesan nulungin melut-melut kacang tanah, ane lakar adepa teken sudagare ento. Ditu ia marasa bagia pesan mapan idupne suba katulungan teken sudagare ento.

Pustaka :

Anonim. 2009. Pengetahuan Seni Teater Bali. Denpasar: ISI Denpasar.