Satua Bali - Pamuteran Gunung Mandara Giri
Kacerita para dewatane, Detia miwah danawane parum ring pucak gunung Mahameru sane kabaosang indik upayane, mangda mikolihang Tirta Amreta.
Ngandika Sangiang Narayana “Yan I dewa mapekayun mikolihang Tirta Amreta, I dewa patut ngebur Ksirarnawane genah Tirta Amretane”.
Mireng pangandikan batara asapunika, kenginan ledang kayun para dewata, detia miwah danawane. Sang kandikayang sagerehan mamargi nyujur Ksirarnawane. Tan kacerita ring margi, kocap rauh ring sangka duipa, genah Ksirarnawane. Irika wenten gunung ageng mawasta Mandara Giri. Tegehnyane solas tali yojana, geden bongkolnyane siu yojana.
Kacerita Mandara Giri punika kabut katut dagingnya sami olih Sang Ananta Boga, tumuli kapulang ring Ksirarnawane. Gunung punika panaka piranti ngebur Ksirarnawane. Mangda nenten kalebu ring sagarane. Sang Akupa ratun empase katunasicain mangda nyangga Mandara Girine pinaka dasar. Sanghiang Indra malinggih ring muncuknyane pinaka paneteh. Mangda Mandara Girine nenten ngamenekang, Sanghiang Basuki nglilit bangkiang gununge pinaka tali.
Pustaka :