Satua Bali - Penyu Metaluh di Biase
Dugase pemadegan Ida Sang Perabu Airlangga di panegara Medang Kamulan, Ida maduwe Bagawanta sane sampun kajanaloka di jagate, sane mapesengan Empu Bharadah. Ida Empu Bharadah sampun ngasorang Calonarang wiadin Walunateng Dirah (Girah). Sawireh Ida Sang Perabu maduwe putra kekalih sane mapesengan Jayengrana miwah Javanegara sane jagi ngentosin Keraton Ida.
Sane alitan kayun idane jagi kaadegang agung ring tanah Bali. Punika makawinan Ida Sang Prabu ngutus Ida Empu Bharadah mangda lunga ke Bali Tangkil ring rakan idane sane mapasihin Empu Kuturan magenah ring Silayukti, jaga nunas paswecan Ida Empu Kuturan mangdane putran Ida Sang Prabu kaicen madeg di Bali. Ida Empu Bharadah ngalinggihin don keluih, done ento satsat jukung idane raris tedun ring Kapurancak. Gelisan satua saking Kapurancak ngeraris ida ke Silayukti. Ri sepengrawuh ida ring Silayukti raris kagoda rakan idane nanging Ida Empu Kuturan sampun uning sepengrawuh arin ida. Daweg punika toyan segarane meluab nyantos bek guane. Nanging Ida Empu Kuturan teleb ngemegehan yoga samadi, lantas yeh pasihe ento hilang uli di guane. Ngeraris ngogjoh Ida Empu Bharadah tangkil ring rakan idane.
Gelisan satua kemanggihin ida taluh tetelu. Taluhe ento lantas anggen ida sareng kalih macecimpedan. Mangkin Ida Empu Kuturan mataken ring arin ida, untuk panadian taluhe ane paling siduur. Kasaurin antuk ida Empu Bharadah, “taluhe punika pacang siduur dadi naga”. Mangkin Empu Bharadah metaken ring rakan ida. “unduk taluhe ane paling sibeten?”. Kasaurin antuk Ida Empu Kuturan, “taluhe ento bakal dadi bedawang”. Sajan lekad lantas taluhi ento dadi bedawang. Ento karanane duka Ida Empu Bharadah, kapastu lantas bedawang ento apang tusing dadi mataluh di yeh tur tusing bisa ngeem taluh.
Pustaka :
Anonim. (03 Oktober 2016). Sor Singgih Bahasa Bali Dalam Cerita I Penyu Metaluh Di Biase Bahasa Bali II. Blog Grya Widya. grya-widya.blogspot.com